Ngā Wari Māori

I te tuatahi, ka whakatauria te maha o ngā kaikaunihera me ngā roherohenga kāri mō te Arotakenga Māngai. Ka tākina e Te Kaunihera ā-rohe o Ngāmotu te Arotakenga Māngai mai i te wehenga tuarua o te tau 2021.

Ko tā te tukanga Arotakenga Māngai he whakatau:

• i te maha o ngā kaikaunihera ka pōtingia
• i te tikanga o te kōwhiri i ngā kaikaunihera (ngā wāri, ngā roherohenga me te tapa i ngā wāri)
• i te tikanga ki te whakarite i ngā poari ā-hapori i te rohe, i ho rātou takiwā, me ngā āhuatanga ki ngā meme o hērā poari.

E tāiri iho nei ko te paearu mō te kaitono:

• he kirirarau nō Aotearoa tonu (nā te whānautanga, te whakawāhinga hei kirirarau rānei); me te aha
• he rēhitatanga ki te pōti (i Aotearoa whānui tonu); anō nei
• kua whakaingoatoa e ngā kaipōti tokorua, ā, e kitea hoki ana ngā ingoa i runga hoki i te rārangi pōti o te rohe o te kaitono. Ehara i te mea me whai whakapapa Māori ngā kaitono i ngā wāri Māori, erangi me kitea hō rātou ingoa i runga i te rārangi pōti pāremata.

Tē taea e te tangata te tū hei kaitono ki ngā wāri huhua (hei tauira, tē taea te tū hei kaitono ki te wāri whānui me te wāri Māori i te pōtitanga ōrite).

E whakaaetia ana ngā kaipōti o te rārangi pōtitanga Māori te tuku pōti mō te kaitono o te wāri Māori anake.

E whakaaetia ana ngā kaipōti o te rārangi pōtitanga whānui te tuku pōti mō te kaitono o te wāri whānui anake.

Ka pōtingia ‘katoatia’ te Koromatua e ngā kaipōti katoa (ngā kaipōti e whakaaetia ana). Ko tōna tikanga e whakaaetia ana te katoa o ngā kaipōti o ngā wāri whānui me ngā wāri Māori te tuku pōti mō te Koromatua.

E kāo. Ko te whakawehe ki ngā Wāri hei tikanga pōti noa iho. I te wā ka kōwhiria, ko te katoa o ngā kōwhiringa mema, arā, ko ngā kōwhiringa wāri whānui, wāri Māori rānei, ka tuku i tōna kī taurangi hei kawenata whakakanohi i te hapori katoa.

Mā te ture tātai o te Ture Pōtitanga ā-rohe hei whakatau i te maha o ngā kaikaunihera ka pōtingia. Mā te taupori o ngā kaipōti whānui me ngā kaipōti Māori o te rohe, e hāngai ana ki te maha o ngā kaikaunihera, hei whakatau i te maha o ngā kaikaunihera.

Ka whakawhitiwhitingia ngā taipitopito e pā ana ki ngā whakaritenga māngai, te maha o ngā kaikaunihera me ngā whakaritenga wāri hoki (ahakoa wāri whānui, Māori rānei, ā, ka whakataungia hoki, i raro i te tukanga Arotakenga Māngai.

Mēnā he Māori koe, e whakaaetia ana koe te urutomo ki te rārangi pōti whānui, ki te rārangi pōti Māori rānei.

Mēnā kāore koe i te Māori, e whakaaetia noa ana koe te urutomo ki te rārangi pōti whānui.

Tirohia tēnei pae tukutuku Electoral Commission’s website. ki te kimi kōrero anō e pā ana ki te kōwhiringa pōtitanga Māori.

Tukuna mai he īmēra ki enquiries@npdc.govt.nz ki te tono mai kia tukuna atu ngā pānui e pā ana ki te wā e tūwhera ai ngā uiuinga arotake.

Waea mai ki 06 759 6060 īmēra mai rānei ki enquiries@npdc.govt.nz.